प्रमोद अग्रहरी, सोहित मानन्धर र रिस्ता बस्नेत स्टारर ‘अदृश्य’ सिनेमाले फर्स्टलुक पोस्टर सार्वजनिक गर्दै प्रदर्शन मिति घोषणा गरेको छ।
सिनेमा साउन १९ गते रिलिज हुनेछ।
‘अदृश्य’लाई प्रल्हाद काफ्लेले निर्देशन गरेका हुन्।
सार्वजनिक पोस्टरमा अभिनेता प्रमोद अग्रहरीलाई लामो दाह्रीसहित टाउकोमा हेल्मेट लगाएर पेस्तोल ताक्दै गरेको देख्न सकिन्छ। उनको मुहार र विशेषगरी आँखामा उनको गम्भिर लुक स्पष्ट देख्न सकिन्छ।
यस्तै पोस्टरमा सोहित र रिस्तालाई केही घटनातर्फ हेरिरहेको देख्न सकिन्छ।
सिनेमामा प्रमोद, रिस्ता तथा सोहितका अलावा प्रविन खतिवडा, छुल्ठिम गुरुङ, रवी गिरी, सिएम भारद्वाज सुवेदी, विकेश प्रजापती, गीत बिष्ट, सुरज बिष्ट, जसिता घिमिरे, सन्दीप बाबु लोहनी, रुपेश दाहाल, सलिन बज्राचार्य, अजित रेग्मी, रुपेश थापा, अभिमान सिंह बस्नेत र प्रतिक भुजेल लगायतका कलाकारको पनि अभिनय रहेको छ ।
पिताम्बर फिल्मस्को प्रस्तुतिमा निर्माण भएको सिनेमालाई मिना बस्नेतले निर्माण गरेकी हुन भने निर्मातामा सिएम भारद्वाज सुवेदी रहेका छ्न।
आकाश उखेडाको कथा, पटकथा तथा संवाद लेखेको सिनेमामा उत्तम हुमागाई र मोहन कुमार झिल्लुको छायांकन रहेको छ।
यस्तै विशाल पौडेलको संगीतमा संगीतकार पौडेलले सिमा संग्रौलाको गायनका लागि जुगलबन्दी गरेका छन्।
शिशिर खातीको कोरियोग्राफी, मुकेश शाहको पाश्र्व संगीत, निशान घिमिरेको कलर, बनिश शाहको सम्पादन रहेको सिनेमालाई आरआर फिल्मस्ले वितरण गर्दैछ।
