सुटिङका दौरान अमेरिकाको लस एन्जल्समा बलिउड अभिनेता शाहरूख खान दुर्घटनामा परेका छन्।
भारतीय संचारमाध्यमका अनुसार दुर्घटनाबाट शाहरूको नाकमा चोट लागेको छ भने सो चोटका कारण नाकको सानो शल्यक्रिया गर्नुपरेको छ।
उपचारपछि शाहरूख हाल भारत फर्किसकेका छन्।
खबरका अनुसार दुर्घटनापछि नाकमा चोट लागेका उनको नाकबाट रगत निस्केको थियो र सोको उपचारका लागि उनलाई तुरुन्तै अस्पताल लगिएको थियो।
सो चोट धेरै गम्भिर नभएको जनाइएको छ र हाल भारत फर्केका शाहरूख आराम गरिरहेका छन्।
‘जिरो’ वक्सअफिसमा नराम्र् पछारिएपछि केहि वर्ष ग्याप गरेका शाहरूख हालै ‘पठान’ मार्फत पर्दामा फर्किएका छन्। हाल उनी अभिनित ‘जवान’ रिलिजका क्रममा रहेको छ।
सिनेमा सेप्टेम्बर ७ मा रिलिज हुँदैछ।
प्रतिक्रिया दिनुहोस्
