नेपालि म्यूजिक भिडियोका राजा को? भन्दा एकसमय सबैको मुखमा पल शाहको नाम आउने गर्थ्यो ।
नाबालिका गायिका बलात्कार मुद्दामा डेढ वर्षको जेल बसाइपछि रिहा भएका उनको हाल पहिले जस्तो म्यूजिक भिडियो रिलिज भएका छैनन् भने अभिनय पनि उनले नगरेको बताइन्छ।
यतिबेला उनले आफ्नो ध्यान सिनेमामा केन्द्रित गरेको बताइन्छ। यध्यपी उनले एकआध म्यूजिक भिडियोमा भने काम गरिरहेका छन्।
हिजो मात्रै उनी अभिनित मेलोडी किङ शम्भुजित बाँस्कोटाको पुरानो हिट गीत ‘नाचदेउ मैच्याङ’ बोलको गीत रिलिज भयो।
सो कार्यक्रममा उनलाई गुरु पूर्णिमासँग जोडेर पललाई तपाईँका गुरु को हुन्? भनी सोधिएको थियो।
यसको जवाफमा उनले सर्वप्रथम त आफ्नो आमा बुबालाई गरु मान्ने बताए र पछि रजतपटको दुनियाँमा आफू इडिटरका रुपमा छिरेको र त्यसका लागि अवसर जुटाइदिने आफ्ना सानिमाका छोराहरु नितिन चन्द र रमित चन्द भएको बताए।
‘उहाँ पहिला नेपाल टेलिभिजनमा इडिटर हुनुहुन्थ्यो र उहाँहरुले नै सिकाएर मैले ईडिट गर्न जानेको थिएं । त्यसपछि फिल्ममा आएर विकास राज आचार्य सर र सुदर्शन थापा दाई लाई गुरु मान्छु’, उनले भने।
