प्रधानमन्त्री पुष्पकमल दाहाल प्रचण्डले सोमबार दिएको एउटा अभिव्यक्तिले उनलाई रक्षात्मक अवस्थामा पुर्याईदिएको छ ।
सार्वजनिक कार्यक्रममै प्रचण्डले आफ्नो नेतृत्वको सरकार निर्माणमा भारतको हात रहेको अभिव्यक्ति दिएपछि राजनीति गर्माएको छ भने प्रमुख प्रतिपक्षी दलले यसै विषयमा छलफल गर्न संसदीय दलको आकस्मिक बैठक समेत बोलाएको छ ।
कार्यक्रममा प्रचण्डले आफूलाई प्रधानमन्त्री बनाउन सरदार प्रितम सिंह पटकपटक दिल्ली पुगेको अभिव्यक्ति थिए। उनको यही अभिव्यक्ति विवादमा परेको छ र प्रतिपक्षी दल एमालेले यसको कडा प्रतिवाद गर्न संसदीय दलको आकस्मिक बैठक बोलाएर आज छलफल गरिरहेको छ।
को हुन् त प्रचण्डलाई प्रधानमन्त्री बनाउन पटकपटक दिल्ली पुगेका प्रितम सिंह?
यस्तो छ उनको नालीबेली।
पेशाले पाइलट रहेका भारतीय नागरिक प्रितम सिंह राजा महेन्द्रकै पालामा नेपाल आएका थिए ।
भारतको जम्मुकश्मिरमा जन्म लिएका सिंहको परिवार राजनीतिक पृष्ठभुमिको रहेको बुझिएको छ । उनकै जेठा दाई जम्बुकश्मिरमा ३ पटकसम्म मन्त्री भइसकेका छन् ।
झन्डै ७ दशक अगाडी नेपाल छिरेका सिंहलाई नेपालमा ढुवानीको जग बसाल्ने पहिलो व्यक्तिको रुपामा हेर्ने गरिन्छ ।
त्यसैले उनलाई ट्रान्सपोर्ट पायेनियरको उपनाम पनि दिइन्छ । तत्कालिन राजा महेन्द्रको प्रस्तावमा सिंहले नेपालमा ढुवानीको व्यवसाय सुरुवात गरेका थिए ।
यातायातसंगै उनले विस्तारै शिक्षामा पनि हात हाले । उनकै पहलमा मोर्डन इन्डियन इङ्लिस स्कुल स्थापना भएको बुझिएको छ ।
व्यवासायकै क्रममा उनी नेपालका राजनीतिज्ञहरुसंग नजिक भएको बुझिएको छ ।
यसरी सिंहको सम्बन्ध तत्कालिन राजा महेन्द्र देखि वर्तमान प्रधानमन्त्री प्रचण्ड सम्म जोडिएको छ ।
