‘बगान’को ट्रेलर सार्वजनिक भएको छ।
अभिनेता सरोज खनालको डेब्यू निर्देशन रहेको सिनेमाको बुधबार काठमाडौंमा आयोजित पत्रकार सम्मेलनमा ट्रेलर सार्वजनिक गरिएको हो।
सार्वजनिक ट्रेलर तीन मिनेट लामो छ। सिनेमाले एकल महिलाको पुनर्विवाहको कथा पेस गर्छ ।
सिनेमा असार २९ गते रिलिज हुँदैछ।
करिश्मा मानन्धरले सिनेमामा एकल महिलाको भूमिका निर्वाह गरेकी छन् । सिनेमामा सरोजले निर्देशनसँगै अभिनयको कमान पनि सम्हालेका छन्।
सिनेमामा सरोज, करिश्माका अलावा प्रमिला कार्की, आकाश श्रेष्ठ, नीर शाह, बसुन्धरा भुसाल तथा मिथिला शर्माको अभिनय छ ।
स्वप्न नीरवको पटकथा लेखेको सिनेमालाई सुरेश वाग्लेले निर्माण गरेका हुन् भने विनोद मानन्धर कार्यकारी निर्मातामा छन् ।
प्रतिक्रिया दिनुहोस्
