डिसहोमका ग्राहकले अब वर्षभर २१ ओटा नेपाली चलचित्र निःशुल्क हेर्न पाउने भएका छन् ।
डिसहोमले ‘प्रेम गीत ३’, ‘चिसो मान्छे’, ‘छक्का पञ्जा ४’, ‘नाई नभन्नु ल ६’, ‘झिंगेदाउ’, ‘प्रसाद २ लगायतका २१ वटा फिल्महरु आफ्ना ग्राहकहरुलाई देखाउन लागेको हो ।
कम्पनीले आफ्नो दुवै प्लेटफर्म डीटीएच र आईपीटिभीमा फिल्म बिना शुल्क देखाउन लागेको हो । कम्पनीले असार १६ गते देखि ‘प्रेम गीत ३’ फिल्म प्रदर्शन गर्ने जनाएको छ । यसपछि ‘चिसो मान्छे’ प्रदर्शन गर्नेछ ।
फिल्महरु डिसहोमका च्यानल रमाइलो टेलिभिजन र प्लस मुभी च्यानलबाट प्रदर्शन हुनेछ । यो सुविधा सबै प्याकेजहरुमा लागु हुने कम्पनीले जनाएको छ ।
प्रतिक्रिया दिनुहोस्
