सन् २०२२ बलिउडका लागि निकै निराशाजनक रह्यो तर २०२३ निकै आशाजनक देखिन्छ । यो वर्ष अहिलेसम्म ठूलो पर्दामा धेरै ठूला फिल्म रिलिज भएका छन् । ‘पठान’ले बक्स अफिसमा सबै कीर्तिमान तोड्दा ‘आदिपुरुष’ले जनताको मन जित्न सकेनन् । आगामी दिनमा ‘रकी और रानीकी प्रेमकथा’ र माफिया ड्रामा ‘एनिमल’ जस्ता सिनेमाले बक्स अफिसमा धमाका देख्न सक्नेछन् ।
यी सिनेमाहरुमा प्रमूख भुमिकामा रहेका कलाकारहरू पहिलोपटक पर्दामा जोडी कस्दैछन्। उनीहरुको जोडीले कस्तो प्रभाव पार्ला त्यो सिनेमा रिलिज पछि थाहा नै हुनेछ। हामीले यस्ता जोडीहरुको चर्चा यसप्रकार गरेका छौं।
)
शाहरुख खान र तापसी पन्नु
शाहरुख खान को लागी २०२३ धेरै भाग्यशाली साबित भएको छ। चार वर्षको अनुपस्थितिपछि अभिनेताले ठूलो पर्दामा पुनरागमन गरेका छन् । उनको ‘पठान’ले बक्स अफिसमा सबै रेकर्ड तोड्न सफल भयो। यस्तो अवस्थामा उनका फ्यानहरु उनको बहुप्रतिक्षित फिल्म ‘डैन्की’ को प्रतिक्षामा छन् । यस फिल्ममा पहिलो पटक शाहरुखको जोडी तापसी पन्नुसँग देखिनेछ ।
)
विजय सेतुपति र कट्रिना कैफ
विजय सेतुपति र कट्रिना कैफको जोडी पहिलो पटक फिल्म ‘मेरी क्रिसमस’मा एकसाथ देखिनेछ। दुबैको जोडीलाई सँगै हेर्न पाउनु निकै रमाइलो हुनेछ । यो फिल्मलाई श्रीराम राघवनले निर्देशन गरेका हुन् ।
)
शाहरुख खान र नयनतारा
शाहरुख खानको अर्को जोडी जसलाई लिएर दर्शक निकै उत्साहित छन्, त्यो हो किंग खान र नयनताराको जोडी । हो, शाहरुख र नयनतारा आफ्नो आगामी फिल्म ‘जवान’ मा पहिलो पटक स्क्रिन सेयर गर्दैछन् । नयनतारा साउथकी चर्चित नायिका हुन् । यो सिनेमालाई एट्लीले निर्देशन गर्दैछन् ।
)
रणवीर कपूर र रश्मिका मन्दाना
२०२३ को सबैभन्दा प्रतिक्षित फिल्महरू मध्ये एक रणवीर कपूरको फिल्म ‘एनिमल’ हो। यसको पोस्टरले मानिसहरुलाई निकै उत्साहित बनाएको छ । यो फिल्ममा पहिलो पटक रणवीर कपुर र रश्मिका मन्डन्नाको जोडी ठूलो पर्दामा देखिनेछ । दुवैलाई सँगै हेर्न मानिसहरु निकै उत्साहित छन् ।
)
ऋतिक रोशन र दीपिका पादुकोण
ऋतिक रोशन र दीपिका पादुकोण उद्योगका दुई ठूला तारा हुन् जसलाई एक साथ हेर्न मानिसहरूले लामो समय कुर्नुपरेको थियो। अन्ततः समय आएको छ जब यी दुबैले आफ्नो केमेस्ट्रीले ठूलो पर्दामा आगो लगाउनेछन् । दुबैले पहिलो पटक ‘फाइटर’मा स्क्रिन स्पेस सेयर गर्नेछन्।
