छुट्टाछुट्टै सडक दुर्घटनामा परी ६ जनाको मृत्यु भएको छ । मकवानपुरमा दुईवटा ट्रक एकआपसमा ठोक्किँदा तीनजनाको मृत्यु भएको छ ।
मनहरीमा ना ६ ख ६६६७ र ना ६ ख ६३१ नम्बरको ट्रक एकापसमा ठोक्किदा तीनजनाको मृत्यु भएको हो । सो ट्रक एक आपसमा ठोक्किदा ट्रक भने जलेर ध्वस्त भएको छ ।
जिल्ला प्रहरी कार्यालय मकवानपुरका अनुसार सो दुर्घटनामा परी चितवन राप्ति नगरपालिका–८ का रिहान रुम्बा, सोही गोरखा गण्डकी गाउँपालिका– २ गोर्दीटारका सुमन चेपाङ र मनहरी गाउँपालिका ३ का अमृत प्रजाको मृत्यु भएको छ । अन्य दुई जना गम्भीर घाइते भएका छन् ।
त्यस्तै, मोरङको लेटाङबाट कानेपोखरीतर्फ आउँदैगरेको ट्याम्पो र विपरीत दिशातर्फ जाँदै गरेको बोलेरो जङ्गल क्षेत्रमा एकापसमा ठोक्किँदा टेम्पो चालक र ट्याम्पोमा सवार बालिकाको मृत्यु भएको हो ।
इलाका प्रहरी कार्यालय लेटाङका अनुसार मृत्यु हुनेमा प्र १–०२–००३ ह १३१२ नम्बरको टेम्पो चालक कानेपोखरी –६, हनुमान चौकका ४२ वर्षीय सागर तामाङ र कानेपोखरी ६ कि ९ वर्षीया रोशनी मगर रहेका छन् ।
यता, मोरङको कानेपोखरी –६ रमाइलोबाट कानेपोखरीतर्फ आउँदैगरेको प्र २०१–००३–४९३५ नम्बरको मोटरसाइकल अनियन्त्रित भई सडकबाट झाडीमा पल्टिदा सिराहा लाहान २४ का ३५ वर्षीय सन्तोष भुजेलको मृत्यु भएको छ ।
