नेकपा माओवादी केन्द्रका कोशी प्रदेशका सदस्य जीवन आचार्य कोशी प्रदेशको मन्त्री भएका छन् । आचार्यले आर्थिक मामिला तथा योजना मन्त्रीको सपथ ग्रहण गरेका छन् ।
शुक्रबारै उनी मन्त्री बन्ने टुंगो लागेको भएपनि आज सपथ गराइएको हो।
उनीसँगै माओवादीका राजेन्द्र कार्की, नेपाली काङ्ग्रेसबाट नियुक्त भएका रामकुमार खत्रीले पद तथा गोपनीयताको शपथ लिएका छन्। कार्की र खत्री विनाविभागिय मन्त्री बनेका हुन्।
जीवन आचार्य उनी प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डका कान्छा ज्वाइँ (गंगा दाहालका पति) हुन् ।
हिक्मत कार्की नेतृत्वको सरकारमा पर्यटन, वन तथा वातावरण मन्त्री भएका आचार्य उद्धव थापा नेतृत्वको सरकारमा पनि मन्त्री बन्न लागेका हुन् । आचार्य पार्टीको नेतृत्व गर्दै सरकारमा गएका हुन् ।
माओवादीमा यसअघि मन्त्री भएका दुर्गाप्रसाद चापागाईं र जीवन आचार्यलाई पठाउने कि नयाँ मान्छे पठाउने भन्ने विवाद थियो ।
विवादका कारण माओवादीले नाम नपठाएपछि शुक्रबार प्रदेश प्रमुख पर्शुराम खापुङले कांग्रेसका सुनुवार र नेकपा एकीकृत समाजवादीका जवेगुलाई विना विभागीय मन्त्रीको शपथग्रहण गराएका थिए ।
