नक्कली भुटानी शरणार्थी प्रकरणमा आरजु राणालाई पैसा दिएको भन्ने अडियो जेलमा रहेका सन्देश शर्माको स्वरसँग मिलेको प्रहरीले पुष्टि गरेको छ ।
शेरबहादुर देउवा पत्नी आरजु राणा र गृहमन्त्री बालकृष्ण खाणकी श्रीमती मञ्जुले साढे दुई करोड र ६ करोड रकम लिएको दाबी गरिएको अडियो सार्वजनिक भएको थियो ।
उक्त अडियो छानबिनको क्रममा प्रतिवादी सन्देश शर्मा नै भएको प्रहरीले जनाएको छ । उनी हाल यसै मुद्दामा पुर्पक्षका लागि थुनामा छन्।
पैसा दिएको भन्ने अडियोमा आफ्नो नाम जोडिएपछि आरजुले गत वैशाखमा उजुरी दिएकी थिइन्।
प्रतिक्रिया दिनुहोस्
