आईसीसी विश्वकप छनोटको फाइनलमा श्रीलङ्काले नेदरल्यान्ड्सलाई २३४ रनको लक्ष्य दिएको छ ।
जिम्बावेको हरारे स्पोर्ट्स क्लबमा टस हारेर ब्याटिङ गरेको श्रीलङ्का ४७ ओभर ५ बलमा २३३ रनमा अलआउट भयो । श्रीलंकाका लागि श्रीलङ्काका सहन अर्चचिगेले सर्वाधिक ५७ रन बनाए ।
बलिङतर्फ नेदरल्यान्ड्सका लाेगन भान वीक, रायन क्लेन, विक्रमजित सिंह र सकिब जुल्फिकरले २/२ विकेट लिए । नेदरल्यान्ड्सले केहीबेरमा जवाफी ब्याटिङ थाल्नेछ ।
१० टोली सहभागी यो प्रतियोगिताको शीर्ष दुईमा रहेका श्रीलङ्का र नेदरल्यान्ड्स आउँदो अक्टोबर/नोभेम्बरमा भारतमा हुने विश्वकपमा पुगेका छन् ।
प्रतिक्रिया दिनुहोस्
