‘अदृश्य’ सिनेमामा समावेश ‘एक चोटी’ बोलको गीत सार्वजनिक भएको छ ।
साउन १९ को रिलिजको पूर्वसन्ध्यामा निर्माणपक्षले फिल्मको फस्टलुकपछि गीत रिलिज गरेको हो ।
गीतको भिडियोमा कलाकार प्रमोद अग्रहरि र रिस्ता बस्नेतले रोमान्टिक अवतारमा नृत्य गरेका छन् ।
विशाल पौडेलको शब्द तथा संगीतमा तयार भएको यो गीतमा विशाल र सिमा संग्रौलाको युगल स्वर छ ।
प्रल्हाद काफ्लेको डेब्यू निर्देशन रहेको सिनेमामा मिना बस्नेत र उमारुद्रा काफ्ले निर्माता रहेका छन्। रविन अधिकारी र रिकेश खत्री यो फिल्मका सह–निर्माता हुन् ।
सिनेमामा प्रमोद अग्रहरि, रिस्ता बस्नेत, सोहित मानन्धर, प्रविन खतिवडा, छुल्ठिम गुरुङ, रवि गिरी लगायतका कलाकारको अभिनय छ ।
राकेश रनपालको कथा, आकाश उखेडाको पटकथा तथा संवाद, उत्तम हुमागाँइ र मोहन कुमार झिल्लुको छायांकन, विशाल पौडेलको संगीत, शिशिर खातीको कोरियोग्राफी, बनिश शाहको सम्पादन छ ।
