नाम परिवर्तन गर्दै ‘एक भगवत् गीता’को टिजर रिलिज भएको छ।
यसअघि ‘भगवत् गीता’ शीर्षकमा सिनेमा निर्माणको घोषणा भएको थियो।
शुक्रबार सार्वजनिक भएको १ मिनेट ३२ सेकेण्डको टिजरमा अभिनेता विपिन कार्कीलाई तेश्रो लिङ्गी पात्रका रुपमा पेस गरिएको छ।
कार्की सिनेमामा कमलामाई नामक पात्रका रुपमा रहनेछन्। सिनेमामा विपिनका अलवा धीतज मगर, सुहाना थापा, कबीर खड्का, जेविस र जेविन श्रेष्ठ, संजोग रसाइली, मुकेश झा, अनुराग कुँवर, राम कैलाश ठाकुर, धिरज ठाकुरलगायतको अभिनय छ ।
सुनिल कुमार थापाले निर्माण गरेको सिनेमालाई थापापत्नी तथा अभिनेत्री झरना थापाले निर्देशन गरेकी हुन्।
सिनेमाको कथा निर्देशक थापा स्वयंको हो । झरनासँगै सरिन पोखरेल, परिक्षेद सेन, पुरुषोत्तम ढंगेल र कृष्णले लेखेको पटकथामा संवाद भने परिक्षेद र पुरुषोत्तमले लेखेका हुन्।
राजेश श्रेष्ठको छायांकन, मित्र डि गुरुङको सम्पादन, हिमाल केसीको द्वन्द्व, कविराज गहतराजको कोरियोग्राफी तथा शैलेश श्रेष्ठको ब्याकग्राउण्ड म्यूजिक रहेको छ।
सिनेमा भदौ २९ गते रिलिज हुनेछ।
