‘जुलेबी’को प्रदर्शन मिति फाइनल भएको छ । सिनेमाले चार महिला पात्रको प्रेमकथा पेस गर्छ।
सिनेमा भाद्र १ गते रिलिज हुने भएको छ।
निर्माण टिम र वितरण कम्पनि डिसीएन बिच कागजी सम्झौता संगै प्रदर्शन मिति सार्वजनिक गरिएको हो । यसै गरी सिनेमाको डिजिटल राइट्स पनी बिक्री भएको छ। डिएआर मुभिजले ‘जुलेबी’ को डिजिटल राइट्स खरिद गरेको छ।
डिएआर मुभिजका श्याम धिताल र सिनेमाका कार्यकारी निर्माता नवीन भट्ट बीच डिजिटल अधिकारको सम्झौता सम्पन्न भएको छ। केहि समय डिजिटल राइट्सको कामबाट अलिक सुस्त रहेको डिएआरले अब नियमित डिजिटलको काम गर्ने र सिनेमाहरु खरिद गर्ने बताएको छ।
सिनेमाको शीर्ष भूमिकामा उषा रजक, सुरक्षा पन्त, निशा अधिकारी र मोनिका थापा छन् ।
सिनेमामा सुशील सिटौला, पुष्कर कार्की, तुफान थापा लगायत कलाकारको पनि अभिनय रहेको छ।
एन्थोलोजी जनरामा निर्माण भएको सिनेमाले तीन घटनालाई चित्रण गर्ने कार्यकारी निर्माता नवीन भट्टले जानकारी दिए । ‘यी तीनै घटना लभस्टोरी कथावस्तुमा आधारित छन्,’ भट्टले भने ।
फोर क्युब इन्टरटेन्मेन्टको ब्यानरमा निर्माण भएको सिनेमालाई गणेशदेव पाण्डेले निर्देशन गरेका हुन् । यसअघि उनले मञ्जरी, गाजा बाजा फिल्मको निर्देशन गरेका थिए ।
विवेक खड्काको छायांकन र अन्जय खड्काको सम्पादन र साउण्ड डिजाइन उत्तम न्यौपानेको रहेको छ । सिनेमाको निर्माता आभा शर्मा नेपाल हुन् ।
सिनेमा ‘जुलेबी’को केही देशहरुको ओभरसिज राइट्स पनी बिक्री भईसकेको निर्माण टिमले बताएको छ।
