‘जिरो’को अकल्पनिय असफलता पछि केहि वर्ष विश्राम गरेका शाहरुखले ‘पठान’बाट यसैपाली ब्लकबस्टर हिटको स्वाद चाखे। भारतीय मिडियाहरुमा सिनेमा विश्वभरबाट हजार करोड भारुको कमाइ गरेको रिपोर्टहरु प्रकाशित गरेका छन्।
शाहरुखको आगामी रिलिज ‘पठान’ले यो रेकर्डलाई तोड्ने अनुमान गरिदैं आइएको छ।
केही मिडिया रिपोर्टहरुमा शाहरूखको पहिलो प्यान इण्डिया सिनेमा भएकाले यसले संसारभरबाट पहिलो दिन नै सय करोडको कारोबार गर्नसक्ने सम्भावनासमेत व्यक्त गरिएको छ।
अनुमान गरिएजस्तै भएमा शाहरुख यस्तो कमाइ गर्ने पहिलो बलिउड अभिनेता हुनेछन्।
तर यसैबीच पछिल्लो शाहरूखको एकदमै निकट मित्र मानिएकी काजोलले ‘पठान’को कमाइको वास्तविक्तामाथि प्रश्न गरेकी छन्। उनले यो प्रश्न गम्भिररुपमा नभई ठट्यौलीपारामा गरेकी हुन्।
एक अन्तरवार्ता कार्यक्रमको सार्वजनिक भएको भिडियो क्लिपमा उनलाई शाहरूखलाई के सोध्न मन छ भनेर सोधिएको थियो।
जवाफमा काजोलले सुरुमा शाहरूखका सबै कुरा सामाजिक संजालहरुमा नै भएकाले के सोध्नु र? भन्छिन् भने त्यस लगत्तै ‘पठान’को वास्तविक कमाइ कति हो? भनेर सोधेकी छन्। यो सोधे लगत्तै उनी हास्न थाल्छिन्।
Kajol is making fun of #Pathaan business. Means Ajay must be discussing with her at home that @iamsrk has given fake collections. This is the real face of Bollywood. pic.twitter.com/12bvOIF4X7
— KRK (@kamaalrkhan) July 15, 2023
यो भिडियो पछिल्लो समय आफ्ना सिनेमा समीक्षाका लागि विवादित रहने गरेका बलिउड अभिनेता कमाल आर खान उर्फ केआरकेले सेयर गरेका हुन्। भिडियो सेयर गर्दै केआरकेले ‘काजोलले पठानको व्यापारलाई ठट्टामा उडाइरहेकी छन्। यसको मतलव अजयले घरमा शाहरूखले झुटो कमाइ बताएको भनेर कुरा गर्दा रहेछन्। यो हो बलिउडको असली अनुहार’ लेखेका छन्।
यो पोस्टमा अन्य सामाजिक प्रयोगकर्ताहरुले आआफ्नो किसिमको प्रतिक्रिया दिएका छन्।
२५ जनवरीमा रिलिज भएको ‘पठान’ले भारतमा ५ सय २५ करोड भारु नेट कमाइ गरेको बताइन्छ।
