भाद्र १ गतेबाट देशभर प्रदर्शनमा आउने सिनेमा ‘जुलेबी’ को पोस्टर सार्वजनिक भएको छ।
सिनेमाले चार महिला पात्रको प्रेमकथा पेस गर्छ। सिनेमालाई गणेशदेव पाण्डेले निर्देशन गरेका हुन् ।
सिनेमाको निर्माता आभा शर्मा नेपालको जन्म दिनको अवसर पारेर पोस्टर सार्वजनिक गरिएको हो। पोस्टर सार्वजनिक संगै सिनेमाको प्रचार प्रसारको अघि बढेको निर्माता आभाको भनाइ छ।
सिनेमामा उषा रजक, सुरक्षा पन्त, निशा अधिकारी र मोनिका थापा मुख्य भूमिकामा छन् । उनीहरुका अलावा सिनेमामा सुशील सिटौला, पुष्कर कार्की, तुफान थापा लगायत कलाकारको पनि अभिनय रहेको छ।
एन्थोलोजी जनरामा निर्माण भएको सिनेमाले तीन घटनालाई चित्रण गर्ने कार्यकारी निर्माता नवीन भट्टले जानकारी दिए ।
फोर क्युब इन्टरटेन्मेन्टको ब्यानरमा निर्माण भएको सिनेमामा विवेक खड्काको छायांकन,अन्जय खड्काको सम्पादन र साउण्ड डिजाइन उत्तम न्यौपानेको रहेको छ ।
सिनेमा ‘जुलेबी’को केही देशहरुको ओभरसिज राइट्स पनि बिक्री भइसकेको निर्माण टिमले बताएको छ। चलचित्रको वितरणको जिम्मा डिसीएनले लिएको छ गर्नेछ ।
सिनेमाको डिजिटल राइट्स डिएआर मुभिजले खरिद गरेको छ।
_Op9143tLFu_n1x9np4n6apiurjgfd3ge592cx7roqcuarldfmef7c7xea2s83pspzd0i8me.jpg)
