सुनसरीमा गोली प्रहार हुँदा एक जना घाइते भएका छन्।
मुलघाटबाट विराटनगर जाँदै गरेका विराटनगर महानगरपालिका ५ का २८ वर्षीय रोहित चौधरीमाथि सेउती खोला नजिकै जंगलमा गोली प्रहार भएको हो । धरान-इटहरी रोडमा पर्ने जंगलको सेउती पुल नजिकै गोली प्रहार गरि लुटपाट भएको प्रहरी जनाएको छ।
चौधरीले साथमा रहेको मोबाइल र पैसा लुटिएको छ । गम्भीर घाइते चौधरीलाई उपचारका लागि विपी कोइराला स्वास्थ्य विज्ञान प्रतिष्ठान धरानमा लगिएको छ । प्रहरीका अनुसार उनको अवस्था चिन्ताजनक छ।
सुनसरीका प्रहरी उपरीक्षक प्रभु ढकालले घटनाको अनुसन्धान भइरहेको बताए।
प्रतिक्रिया दिनुहोस्
