पोखरा ट्रेल रेस सेरिज अन्तर्गत २५ किलोमिटर पुरूष तर्फको उपाधि मनकुमार मगरले जितेका छन्।
उनले २५ किलोमिटरको दूरी २ घण्टा १५ मिनेटमा पूरा गर्दै उपाधि जितेका हुन् । पृथ्वी राईले २ घण्टा १७ मिनेटमा दूरी पूरा गर्दै दोस्रो स्थानमा चित्त बुझाए । तेस्रो स्थानको उपाधि १४ वर्षीय तेन्जोन रोका मगर २ घण्टा २० मिनेटमा दूरी पूरा गर्दै जिते।
सोही दूरीको ट्रेल रेस सेरिजको महिला तर्फको उपाधि युकेकी कर्स्टन आइनसेटले जितिन् । उनले २५ किलोमिटरको दूरीलाई ३ घण्टा ३९ मिनेटमा पूरा गरिन् ।
त्यसैगरि जर्मनीकी मिरा ओसेफाइन माइवार्मले ३ घण्टा ४६ मिनेटको समय लगाउँदै दोस्रो बनिन् । साथै क्यानडाकी प्याट्रिसिया फोय तृतीय भइन् । उनले ३ घण्टा ४८ मिनेटमा दूरी पूरा गरेकी थिइन् ।
प्रतिक्रिया दिनुहोस्
