काठमाडौं । प्रतिनिधिसभा बैठक फेरि स्थगित भएको छ । मंगलबार दिनको ३ बजेका लागि बोलाएको बैठक ‘विशेष कारण’ भन्दै बुधबार ३ बजेका लागि सारिएको छ ।
सुन तस्करी प्रकरणमा छानबिनका लागि उच्चस्तरीय समिति बनाउने सहमतिले टुंगो नलाएको कारण बैठक सारिएको बुझिएको थियो ।
सोमबार राति बसेको दलका शीर्ष नेताहरुको बैठकले सुन तस्करी प्रकरणको विस्तृत छानबिन गर्न उच्चस्तरीय छानबिन समिति बनाउने मोटामोटी सहमति गरेको थियो । तर, सहमतिलाई पूर्णंता दिन मंगलबार दिउँसो बोलाइएको शीर्ष नेताहरुको बैठकमा एमाले अध्यक्ष केपी शर्मा ओली अनुपस्थित भए । जसका कारण शीर्ष तहको बैठक एजेन्डा तय नभई स्थगित हुन पुग्यो ।
शीर्ष तहको बैठक स्थगित भएपछि संसद सचिवालयले पनि बैठक बस्ने दिन र समय परिवर्तन भएको सूचना निकालेको हो ।
संघीय संसदका महासचिव भरतराज गौतमले जारी गरेको विज्ञप्तिमा भदौ ६ गते दिउँसो ३ बजे बैठक बस्नेछ ।
