मृगौला हाम्रो शरीरको लागि सबैभन्दा महत्त्वपूर्ण अंगमध्ये एक हो । यसले रगतबाट विषाक्त पदार्थहरू हटाउन, शुद्ध गर्न र पिसाबको माध्यमबाट शरीरका फोहोरहरू बाहिर निकाल्न महत्त्वपूर्ण भूमिका खेल्छ।
दुबै मृगौलाले हरेक २४ घण्टामा करिब २०० लिटर तरल पदार्थ फिल्टर गर्दछ । यदि यो अंगले राम्रोसँग काम गर्न सकेन भने वा मृगौलासँग सम्बन्धित कुनै रोग भएमा शरीरको डिटक्सिफिकेसन प्रक्रियामा बाधा पुग्छ, शरीरमा विषाक्तता बढ्न थाल्छ । यसले धेरै साइड इफेक्ट हुनसक्छ।
हाम्रो खराब जीवनशैली र खानपानले मृगौलासम्बन्धी रोग लाग्ने खतरा बढ्न सक्ने चिकित्सक बताउँछन् । यसबाहेक, मधुमेह र उच्च रक्तचाप जस्ता केही अन्तर्निहित स्वास्थ्य समस्याहरूले पनि मृगौलाको स्वास्थ्यलाई बिगार्न सक्छ। मृगौलालाई हानी पुर्याउने यस्ता चिजका बारेमा जानौं, जसमा सबैले विशेष सुधार गर्नुपर्छ ।
१. पर्याप्त पानी नपिउनु हानिकारक हुन्छ
मृगौला स्वस्थ राख्नको लागि, तपाईंले दिनभर पर्याप्त मात्रामा पानी वा स्वस्थ तरल पदार्थ सेवन गरिरहनु सबैभन्दा महत्त्वपूर्ण छ। शरीरलाई राम्रोसँग हाइड्रेटेड राख्नाले मृगौलालाई शरीरबाट अतिरिक्त सोडियम र विषाक्त पदार्थहरू हटाउन मद्दत गर्दछ। प्रशस्त पानी पिउनुलाई मिर्गौलाको पत्थरीबाट बच्ने उत्तम उपाय पनि मानिन्छ।
स्वास्थ्य विज्ञहरुका अनुसार अधिकांश मानिसहरुका लागि दैनिक ३ देखि ४ लिटर पानी पिउनु नै पर्याप्त मानिन्छ । यदि तपाईंले पानी कम पिउनुहुन्छ भने यसले मृगौला समस्याको जोखिम बढाउन सक्छ।
२. अनावश्यक औषधि प्रयाेग नगर्नुहोस्
औषधिहरूको अत्याधिक प्रयोग, विशेष गरी ओभर-द-काउन्टर दुखाइ कम गर्ने, तपाईंको मृगौलाको लागि हानिकारक हुन सक्छ। यसले मृगौलालाई नोक्सान पुर्याउन जानिन्छ। औषधिको नियमित प्रयोग कम गर्नुहोस् र सिफारिस गरिएको खुराकभन्दा बढी नगर्नुहोस्। चिकित्सकको सल्लाहबिना कुनै पनि औषधि सेवन नगर्नुपर्छ ।
३. धेरै नुन र चिनी दुवै हानिकारक
नुनमा सोडियम उच्च हुन्छ, जसले रक्तचाप बढाउन सक्छ। यसले तपाईको मृगौलालाई पनि क्षति पुर्याउन सक्छ। मृगौलाले खानामा रहेको अतिरिक्त सोडियमलाई राम्रोसँग फिल्टर गर्न सक्दैन, जसका कारण यो क्रिस्टलको रूपमा जम्मा हुन थाल्छ ।
नुनजस्तै चिनीको अत्याधिक मात्रा पनि हानिकारक हुन्छ । यसले मोटोपना मात्र बढाउँदैन, यसको अत्याधिक मात्राका कारण मिर्गौला रोग बढ्ने खतरा पनि हुन्छ । यी दुवै सेवनमा ध्यान दिनुपर्छ ।
४. रक्सी र धुम्रपान पनि हानिकारक छ
शोधकर्ताहरूले धेरै मद्यपान गर्ने वा धुम्रपान गर्नेहरूलाई पनि मृगौला समस्याको उच्च जोखिम रहेको पत्ता लगाए। धुम्रपान वा अत्याधिक मद्यपान गर्ने मानिसहरूमा धुम्रपान वा रक्सी नपिउने मानिसहरूको तुलनामा मृगौलाको दीर्घकालीन रोग लाग्ने सम्भावना लगभग पाँच गुणा बढी रहेको पाइएको छ। मृगौला-कलेजो सहित सम्पूर्ण शरीरलाई स्वस्थ राख्न रक्सी र धुम्रपान दुवैबाट दूरी कायम गर्नुपर्छ । एजेन्सीबाट
