रामपुर । पाल्पाको जोर्तेमा बुधबार बिहान सुख्खा पहिरोमा जिप पुरिँदा तीन जनाको मृत्यु भएको छ । पहिरोमा पुरिएर आठ जना घाइते भएको प्रहरीले जनाएको छ ।
गुल्मीबाट पाल्पातर्फ आउँदै गरेको लु१ज ४६०० नम्बरको जिपमा पाल्पाको जोर्तेमा सुक्खा पहिरो खसेकाे थियाे । पहिराेले पुरिँदा तीन जनाको घटनास्थलमा नै मृत्यु भएको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिए ।
मृत्यु हुनेमा दुई पुरुष र एक महिला रहेका छन् । उनीहरुको सनाखत हुन सकेको छैन ।
दुर्घटनामा ८ जना घाइते भएका छन् । उनीहरुलाई उपचारका लागि पाल्पा मिसन अस्पताल र लुम्बिनी मेडिकल कलेज प्रभास लगिएको जिल्ला प्रहरी कार्यालयले जनाएको छ ।
प्रतिक्रिया दिनुहोस्
