काठमाडौं । नेपाली बजारमा सुनको मूल्य फेरि बढेको छ । बिहीबारकाे तुलनामा तीन सय रुपैयाँले बढ्दै छापावाल सुन प्रतितोला एक लाख १२ हजार तीन सय रुपैयाँ पुगेकाे छ ।
यसअघि बिहीबार चार सय रुपैयाँले घट्दै सुन प्रतितोला एक लाख १२ हजार रुपैयाँ कायम भएको थियो ।
नेपाली सुनचाँदी व्यवसायी महासंघका अनुसार शुक्रबार तेजाबी सुनको मूल्य प्रतितोला एक लाख ११ हजार ७५० रुपैयाँ पुगेको छ ।
सुनको मूल्य बढ्दा चाँदीको मूल्य भनेको घटेको छ । महासंघका अनुसार शुक्रबार चाँदी प्रतितोला एक हजार ४०५ रुपैयाँ कायम भएको छ । चाँदीको मूल्य केहि दिनदेखि नै घटिरहेको छ ।
बुधबार एक हजार ४३० रुपैयाँ रहेको चाँदीको मूल्य बिहीबार आउँदा एक हजार ४१० रुपैयाँ कायम थियो । जसको तुलनामा प्रतितोला पाँच रुपैयाँले शुक्रबार मूल्य घटेको हो ।
प्रतिक्रिया दिनुहोस्
