काठमाडौं। एसिया कप क्रिकेटको सुपर फोरको खेलमा श्रीलंकाले बंगलादेशलाई २१ रनले हराएको छ। सुपर फोरको पहिलो खेलमा श्रीलंकाले जित हासिल गरेको हो । पछिल्लो हारसँगै बंगलादेशको फाइनल पुग्ने सम्भावना कमजोर बनेको छ ।
श्रीलंकाले प्रस्तुत गरेको २ सय ५८ रनको लक्ष्य पछ्याएको बंगलादेश २ सय ३६ रनमा समेटियो । तौहीद ह्दयोयले सर्वाधिक ८२ रन बनाएको खेलमा मुश्फिकुर रहीमले २९, मेहदी हसन मेरोजले २८, मोहम्मद नइमले २१ रन बनाएका थिए । अन्य ब्याट्सम्यानले खासै रन बटुल्न सकेनन् ।
श्रीलंकाका महेश थिक्षणा, दासुन शनाका र मथिशा पथिरानाले समान ३ विकेट लिए । डुनिथ वेललेजको नाममा एक विकेट रह्यो ।
सुरुवाती ब्याटिङ गरेको श्रीलंकाले ९ विकेटको क्षतीमा २ सय ५७ रन बनाएको थियो ।
सदीरा समरविक्रमाले सर्वाधिक ९३ रन बनाएको इनिङ्समा कुशल मेन्डिसले ५० रनको अर्धशतकिय पाली खेलेका थिए । ओपनरद्धय पथुम निसान्काले ४० र दिमुथ करुणारत्नेले १८ रन बटुलेका थिए । कप्तान दासुन शनाकाले २४ रन बनाएका थिए ।
बंगलादेशका तस्कीन अहमत र हसन महमुदले समान ३ तथा शोरगुल वाला इस्लामले २ विकेट हात पारेका थिए ।
सुपर फोरको खेलमा पाकिस्तान र श्रीलंकाले समान २ अंक जोडेका छन् । दुवै खेलमा पराजित बंगलादेश अंक विहीन छ।
