हरेक मानिस उमेरसँगै विभिन्न राेगकाे चपेटामा पर्न थाल्दछन् । विशेषगरीः खानपान र जीवनशैली व्यवस्थित बनाउन नसक्दा थुप्रै खालका शारिरीक समस्याहरू हुने गर्दछ । सँगै शारीरिक कमजोरीले मानिसलाई चिन्तित पनि बनाउँछ । अनि मानिस विभिन्न औषधिको सहारा लिन बाध्य हुन्छन् ।
यस्ताे अवस्थामा मानिसहरूकाे राेमान्टिक जीवन पनि क्रमशः हराउँदै जान्छ । जीवन निकै निरश बन्ने गर्दछ ।
तथापी, स्वयंले कारण बुझ्ने र समाधानकाे उपाय खाेज्ने हाे भने व्यक्ति निकै स्वस्थ्य पनि हुन्छ सँगै उमेरअनुसार बुढाे पनि देखिन्न ।
जसकाे लागि जीवनशैलीमा परिवर्तन गर्नुपर्ने हुन्छ । यहाँ दैनिकरूपमा के गर्ने, के खानेलगायतका विषयमा चर्चा गरिएकाे छ ।
दूध, खजुर र महको सेवन
क्याल्सियम, फाइबर, जिंक, म्याग्नेसियम र आइरनले भरपूर खजूरको सेवन गरेर मानिसहरूले आफ्नो स्ट्यामिना बढाउन सक्छन्। शारीरिक रुपमा कमजोर र दुब्लो मानिसहरुका लागि खजूर वरदानभन्दा कम छैन । यसका साथै दैनिक सुक्खा खजूरको सेवन गर्दा पाचन क्रिया पनि राम्रो हुन्छ । खजूरको उत्कृष्ट नतिजाको लागि दूधमा खजुर मिसाएर पिउनुहोस्।
स्वास्थ्यका लागि माखना पनि निकै लाभदायक मानिन्छ । यो एक आयुर्वेदिक जडीबुटी जस्तै हो । कार्बोहाइड्रेट, प्रोटिन, मिनरल्स, फ्याट, फस्फोरसजस्ता पौष्टिक तत्वले भरिपूर्ण माखना पुरुषलाई स्वस्थ राख्नका लागि प्रभावकारी हुन्छ । दैनिक माखनाको सेवनले शरीरमा टेस्टोस्टेरोन हर्मोनको उत्पादन बढाउँछ, जसले पुरुषको शरीरमा हुने शारीरिक कमजोरीलाई धेरै हदसम्म कम गर्न मद्दत गर्छ। माखनामा क्यालोरी धेरै कम हुन्छ र फाइबर राम्रो मात्रामा पाइन्छ । जसका कारण शरीरलाई प्रशस्त मात्रामा क्याल्सियम प्राप्त हुन्छ। यसको सेवनले शरीरलाई धेरै स्वास्थ्य लाभ हुन्छ । माखनाको नियमित सेवनले शरीरको कमजोरी हटाउँछ ।
पौष्टिक तत्वले भरिपूर्ण दूध व्यक्तिका लागि निकै फाइदाजनक हुन्छ । दैनिक दूध पिउनाले स्ट्यामिना बढ्छ । नियमित दुधको सेवनले पुरुषले आफ्नो स्ट्यामिना बढाउन सक्छन् । जसका कारण शरीरलाई धेरै उर्जा पनि प्राप्त हुन्छ ।
कुन खाना कसरी खाने ?
खजूर र माखनालाई कम्तिमा २ देखि ३ घण्टासम्म पानीमा भिजाउने । त्यसपछि एक गिलास दूध लिनुहोस् र ग्राइन्डरमा राख्नुहोस्। अब यसमा खजूर र माखना राख्नुहोस् । ६ मिनेटको लागि ग्राइन्डर चलाउनुहोस् र राम्रो पेय तयार गर्नुहोस्। यसको दैनिक उपभोग गर्नाले यसको परिणाम छिट्टै देख्न सकिन्छ। यसबाहेक दूधमा मह मिसाएर सेवन गर्दा स्ट्यामिना बढ्छ । एजेन्सीबाट
