काठमाडौं । हिन्दु नेपाली नारीहरुको महान पर्व हरितालिका तीजको अघिल्लो दिन नेपाली बजारमा सुनको मूल्य बढेको छ । अघिल्लो कारोबार दिनको तुलनामा आइतबार तोलामै पाँच सय रुपैयाँले सुनको मूल्य बढेको हो ।
नेपाल सुनचाँदी व्यवसायी महासंघले जनाएअनुसार साताको पहिलो कारोबार दिन आइतबार छापावाल सुन प्रतितोला एक लाख १२ हजार तीन सय रुपैयाँ पुगेको छ भने तेजाबी सुन प्रतितोला एक लाख ११ हजार सात सय ५० रुपैयाँ पुगेको छ ।
यसअघि शुक्रबार छापावाल सुन प्रतितोला एक लाख ११ हजार आठ सय रुपैयाँ थियो भने तेजाबी सुन एक लाख ११ हजार दुई सय ५० रुपैयाँ थियो ।
सुनको मूल्य बढेसँगै चाँदीको मूल्य पनि बढेको छ । आइतबार नेपाली बजारमा चाँदी प्रतितोला एक हजार चार सय रुपैयाँमा कारोबार भइरहेको महासंघले जनाएको छ ।
मागमा बढेको चापको कारण सुनचाँदीको मूल्य केही बढेको महासंघको भनाई छ ।
प्रतिक्रिया दिनुहोस्
