काठमाडौं । नेपाली बजारमा फेरि सुनकाे मूल्य बढेको छ । नेपाल सुन चाँदी व्यवसायी महासंघका अनुसार शुक्रबारको तुलनामा आइतबार सुनको मूल्य तोलामा एक सय रुपैयाँले बढेको हो ।
महासंघका अनुसार आइतबार छापावाल सुन प्रतितोला एक लाख १२ हजार २ सय रूपैयाँ र तेजावी सुन प्रतितोला एक लाख ११ हजार ६५० रूपैयाँ पुगेकाे छ ।
यसअघि शुक्रबार छापावाल सुन प्रतितोला एक लाख १२ हजार एक सय रुपैयाँ र तेजाबी सुन प्रतितोला एक लाख ११ हजार ५५० रुपैयाँमा कारोबार भएको थियो ।
महासंघले जनाएअनुसार सुनको मूल्य बढेसँगै चाँदीको मूल्यमा पनि केही बढोत्तरी भएको छ । शुक्रबारको तुलनामा प्रतितोला ५ रुपैयाँले बढ्दै चाँदी १४ सय २५ रुपैयाँ पुगेको छ । चाँदीकाे मूल्य केही सातादेखि नै निरन्तर उकालोमा छ ।
प्रतिक्रिया दिनुहोस्
