विश्वभर बढ्दो दीर्घकालीन रोग र नकारात्मक वातावरणीय अवस्थाका कारण मानिसको औसत आयु घट्दै गइरहेकाे छ । काेराेनाजस्ता महामारीका कारण पनि मानिसहरूमा स्वास्थ्यसम्बन्धी थुप्रै समस्याहरू देखिन थालेका छन् ।
सँगै जीवनशैली र खानपानकाे कारण पनि मानिसहरूकाे स्वास्थ्यमा समस्याहरू देखिइरहेकाे स्वास्थ्य विज्ञहरूकाे भनाइ छ । हाम्रो जीवनशैलीमा भएका धेरै कुराहरूले आयु मात्र घटाउँदैनन्, यसले शरीरमा पनि नकारात्मक असर पारिरहेको छ । जसकाे प्रभाव हामी सानै उमेरमा बूढो देखिन थाल्छौं।
सँगै, शोधकर्ताहरूले पत्ता लगाएअनुसार यस्तो जोखिम धेरै चिनी खाने र तनावमा रहेका मानिसहरूमा पनि देखिएकाे छ ।
धेरै मिठाे चीजहरू हानिकारक छन्
अत्याधिक मिठाई वा चिनीको सेवन उच्च रक्तचाप र मधुमेहको लागि एक प्रमुख जोखिम कारक मानिन्छ। तर के तपाईंलाई थाहा छ यसले मधुमेह मात्र नभई तपाईको उमेर बढाउन पनि मद्दत गर्छ । हाम्रो छाला कोलाजेन र इलास्टिनबाट बनेको हुन्छ, जसले यसलाई कोमल र नरम बनाउँछ। जब तपाईं धेरै चिनी खानुहुन्छ, यसले कोलाजेनको क्रस-लिङ्किङ निम्त्याउँछ, परिणामस्वरूप हाम्रो छाला टाइट हुन्छ र यसको लोच गुमाउँछ। जति धेरै चिनी खानुहुन्छ, छालाको लागि त्यति नै हानिकारक हुन सक्छ ।
तनावले तपाईंलाई चाँडै बुढ्यौली बनाउँछ
स्वास्थ्य विज्ञहरूका अनुसार तपाईंको तनावको स्तर उच्च छ त्यसले उमेर बढाउन सक्छ । तनावपूर्ण अवस्थाले सबैभन्दा पहिले हाम्राे हर्मोनको स्तरलाई असर गर्छ, तर लामो समयसम्म तनावका कारण पनि कोशिकाहरूमा सूजन हुन्छ र डीएनएमा क्षति पुग्छ, यी अवस्थाहरूले बुढ्यौलीको गतिलाई तीव्र बनाउँछन्। धेरै तनाव लिनु मानसिक स्वास्थ्यका साथै शारीरिक समस्याहरूको लागि एक प्रमुख जोखिम कारक हो।
नियमित व्यायाम सबैभन्दा प्रभावकारी एन्टी-एजिंग हो
चिकित्सकहरूका अनुसार यदि तपाइँ उमेरलाई रोक्न चाहनुहुन्छ वा लामो समयसम्म बाँच्न चाहनुहुन्छ भने, सबैभन्दा प्रभावकारी उपाय भनेको तपाइँको दैनिक दिनचर्यामा नियमित व्यायाम समावेश गर्नु हो। दैनिक करिब ४० मिनेटको व्यायाम, जम्पिङ वा योगले तपाईंलाई शारीरिक र मानसिकरूपमा फिट राख्न मद्दत गर्छ ।
जसले तपाईंमा राम्रो हर्मोनको स्तरलाई प्रत्यक्ष रूपमा बढाउँछ र यो तपाईंको लागि सबैभन्दा प्रभावकारी एन्टी-एजिङ हुन सक्छ। एजेन्सीबाट
