आजकल समयको अभावमा मानिसहरुले एकैपटक एक हप्ताको फलफूल र तरकारी ल्याउने गरेको देखिन्छ । यी सबै एकै ठाउँमा ल्याएर फ्रिजमा राखिन्छन्।
तरकारीहरू फ्रिजमा लामो समयसम्म ताजा रहन्छ र सड्नबाट जोगिन्छ भन्ने मानिसहरूको विश्वास छ। यसो गर्दा समयकाे ठूलाे बचत पनि हुन्छ । तर, के तपाईलाई थाहा छ केही फलफूल र तरकारीहरु एकै ठाउँमा राख्दा चाँडै सड्न थाल्छन् ।
वास्तवमा, फलफूल र तरकारीहरूमा विभिन्न प्रकारका इन्जाइमहरू र रसायनहरू पाइन्छ। यही कारणले गर्दा यी तरकारी र फलफूललाई सँगै राख्दा चाँडै सड्न थाल्छन् । यस्तो अवस्थामा कुन किसिमको तरकारी र फलफूललाई छुट्टाछुट्टै राख्नुपर्छ भन्ने कुरा सबैका लागि आवश्यक हुन्छ ।
फलफूलसँग ब्रोकाउली नराख्नुहोस्
ब्रोकाउली निकै संवेदनशील तरकारी हाे । स्याउ, मेया र अंगूरजस्ता फलफूलसँग यसलाई राख्ने हो भने यसको आयु ५० प्रतिशतले घट्छ । यसरी फ्रिजमा राख्दा ब्रोकाउली दुई–तीन दिन मात्र ताजा रहन्छ ।
सागसब्जी
यो मौसममा सागसब्जी तरकारी प्रचुर मात्रामा पाइन्छ । तर, तरबूज, अंगूर, स्याउ जस्ता इथिलिन युक्त फलफूलसँग यसलाई राख्नुभयो भने चाँडै सड्न थाल्छ।
लाैका पनि सँगै राख्नुहुन्न
गर्मी मौसम सुरु हुनासाथ लौका निकै उत्पादन हुन्छ । धेरैले मनपराउने याे तरकारी पनि फलफूलसँग सँगै राख्न हुँदैन । स्याउ, अंगूर, मेया र नाशपाती जस्ता फलफूलहरूसँग यसलाई सँगै राख्नु हुँदैन। यदि तपाईंले तिनीहरूलाई सँगै राख्नुभयो भने, लाैकासँगै अरू तरकारी पनि सँगै सड्छन् ।
बन्दागाेभी पनि सँगै राख्नुहुन्न
गोभीलाई ताजा राख्न ताजा हावा चाहिन्छ। यदि फ्रिजमा अन्य फलफूलसँगै राखियाे भने याे पनि छिट्टै गल्छ । स्याउ, तरबूज, किवी जस्ता इथिलिन उत्पादन गर्ने फलफूलसँग यसलाई कहिल्यै सँगै राख्न हुँदैन । एजेन्सीबाट
