काठमाडौं । कोशीको मुख्यमन्त्रीमा कांग्रेस–माओवादी गठबन्धनको तर्फबाट इन्द्र आङ्बो र कांग्रेस इतर पक्ष र एमालेको तर्फबाट केदार कार्कीको दाबी पेश भएको छ ।
आङ्बोले संसदीय दलका नेताहरुको समर्थन लिएका छन् भने कार्कीले कांग्रेसका आठ र एमालेका ३९ गरी ४७ सांसदको हस्ताक्षर बुझाएका छन् ।
प्रदेश प्रमुख परशुराम खापुङसक्षम बेग्ला–बेग्लै शैलीमा दाबी पेश भएको छ ।
सर्वोच्च अदालतको परमादेशका आधार संविधानको धारा १६८ को उपधारा ३ अनुसार नियुक्त एमालेका हिक्मत कार्कीले बहुमत जुटाउन नसकेपछि असोज २० मा राजीनामा दिएका थिए । उनले राजीनामा दिएसँगै परदेश प्रमुख खापुङले संविधानको धारा १६८ को उपधारा ५ अनुसार सरकार गठन गर्न आव्हान गरेका थिए ।
संविधानको धारा १६८ को उपधारा ५ मा कुनै पनि दलीय ह्वीप लाग्दैन । जुन व्यवस्थाअनुसार कुनै पनि प्रदेशसभा सदस्यले विश्वासको मत प्राप्त गर्ने आधार देखाएर सरकार गठनको लागि दाबी पेश गर्न सक्छ ।
