जाडो मौसम धेरैलाई मन पर्दैन । कारण यो मौसममा धेरै मानिसहरूलाई अनेकन खालका स्वास्थ्य समस्या देखिने गर्दछन् । विशेषगरी बालबालिका र बृद्धबृद्धाहरु जाडोमा चिसोसम्बन्धी रोगको सिकार हुने गर्दछन् ।
चिसो मौसममा खानपान र जीवनशैलीमाथि विशेष ध्यान दिन जरूरी हुन्छ । खानपान र जीवनशैलीमा ध्यान दिन नसकिएमा धेरै स्वास्थ्य समस्याहरू देखिन सक्छन् ।
जानौं, जाडोमा स्वास्थ्यको हेरचाह कसरी गर्ने ?
१. आहारमा ध्यान
जाडो मौसममा स्वस्थकर खानपान गर्नु सबैभन्दा जरुरी हुन्छ । शरीरलाई न्यानो राख्ने खानेकुरामा ध्यान दिनुपर्छ ।
सकेसम्म दैनिक आहारमा ताजा फलफूलसहित माछामासुको प्रयोग आवश्यक छ । साथै, शरीरलाई चिसोबाट जोगाउने खालका मसलाहरूको प्रयोग पनि अनिवार्य हुन्छ ।
२. पर्याप्त व्यायाम गर्नुहोस्
जाडोमा आफूलाई फिट राख्नको लागि, तपाईंले आफ्नो दैनिक दिनचर्यामा शारीरिक अभ्यासलाई प्राथमिकतामा राख्नुपर्छ । नियमित व्यायामले तपाईंलाई थप स्फूर्ती प्रदान गर्न मद्दत गर्नेछ। यसले तपाइँलाई न्यानो राख्छ र तपाइँको प्रतिरक्षा क्षमताको विकास गर्दछ ।
जसले शरीरलाई मौसमी रोगहरू जस्तै खोकी र चिसोबाट बचाउँछ। यदि तपाईंलाई दम वा हृदय रोग जस्ता कुनै समस्या छ भने, हावामा प्रदूषक र एलर्जीहरूबाट बच्न बाहिर निस्कँदा मास्कको प्रयोग अनिवार्य गर्नुहोस् ।
३. प्रशस्त मात्रामा झोलिलो पिउने
कतिपयले चिसो मौसममा प्रशस्त पानी पिउँदैनन् । तर, चिसो मौसममा प्रशस्त पानी पिउनु आवश्यक छ । जसले तपाईंलाई स्फूर्तिलो रहन मद्दत गर्दछ ।
पर्याप्त मात्रामा पानी पिउनाले शरीरमा तरल पदार्थलाई सन्तुलनमा राख्नुका साथै शरीरका कोषहरूमा पोषक तत्वहरू पु¥याउन मद्दत गर्छ। यसले कब्जियत र अन्य पाचन समस्याहरू रोक्न पनि मद्दत गर्दछ। छालालाई मोइश्चराइज राख्न र यसको बनावट र रूप कायम राख्न पनि पानीले महत्त्वपूर्ण भूमिका खेल्छ।
४. पर्याप्त सुत्नुहोस्
निद्राको महत्वलाई कम आकंलन गर्नु हुँदैन। शरीरका लागि व्यायाम र स्वस्थ खानेकुरा जत्तिकै राम्रो निद्रा पनि आवश्यक छ ।
निद्राको कमीले तौल बढ्न सक्छ र तपाईंको प्रतिरक्षा प्रणालीलाई कमजोर बनाउँछ । तपाईंमा रोगको जोखिम बढाउँछ। वास्तवमा, निद्राको कमीले पनि रोग निम्त्याउन सक्छ र राम्रो निद्राले तपाईंलाई रोगबाट छिट्टै निको हुन मद्दत गर्दछ।
५. सरसफाइ कायम राख्नुहोस्
साबुन र पानीले बारम्बार हात धुने, आँखा, नाक र मुख नछुने जस्ता उचित सरसफाइको पालना गर्नुहोस्। यी सबै बानीहरू ब्याक्टेरिया र कीटाणुहरूबाट आफूलाई बचाउने उत्तम तरिकाहरू मध्ये एक हो।
जाडो मौसममा अक्सर कोभिडजस्ता समस्याहरु देखिने गरेका छन् । जसबाट जोगिन पनि सरसफाइमा ध्यान दिनु आवश्यक छ । एजेन्सीको माध्यमबाट
