स्वस्थ जीवनका लागि स्वस्थ जीवनशैली नै मुख्य कुरा हो । हामीले स्वस्थ खालको आनीबानी बनायौं भने हामी स्वस्थ रहन सक्छौं ।
मुटुलाई स्वस्थ राख्ने सन्दर्भमा पनि स्वस्थ जीवनशैली नै मुख्य कुरा बन्न जान्छ । हाम्रा दैनिक खानपान, क्रियाकलाप सही भएको खण्डमा हाम्रो मुटु पनि स्वस्थ हुन्छ । यहाँ मुटु स्वस्थ राख्नका निम्ति केही खराब बानीलाई त्याग्न सुझाइएको छ । थाहा पाउनुहोस् मुटु स्वस्थ राख्न कस्ता बानी त्याग्नुपर्छ –
१. चर्को नुनिलो वा गुलियो खाँदा रक्तनली मोटो भएर रक्तप्रवाहमा बाधा पुर्याउँछ र मुटुमा असर पुग्छ ।
२. चुरोट पिउँदा पनि रक्तनली मोटो भएर रक्तप्रवाहमा बाधा पुग्छ र मुटुरोगको सम्भावना ह्वात्तै बढ्छ ।
३. धेरै रक्सी पिउँदा उच्च कोलेस्ट्रेल, उच्च रक्तचाप र कलेजोमा खराबी देखा पर्छन् र यी सबै मुटुरोगका कारण बन्न पुग्छन् ।
४. धेरै तनाव लिँदा रक्तचाप बढ्छ र मुटुमा दबाब पर्छ जसका कारण मुटुरोग लाग्छ ।
५. शारीरिक काम नगर्दा रक्तप्रवाहमा समस्या आउँछ, रगत राम्ररी बग्न नपाएर मुटुमा समस्या देखिन्छ ।
६. धेरै खाँदा रक्तनलीमा बोसो जम्छ जसका कारण उच्च रक्तचाप हुन पुग्छ र मुटुरोग निम्त्याउँछ ।
७. राति ढिलोसम्म जागै बस्ने, अधुरो निद्रा हुने अवस्थामा पनि तनाव, उच्च रक्तचाप लगायतका समस्या आउँछन् र मुटुलाई बिगार्छन् ।
८. दाँत र गिजाको समस्याले पनि मुटुरोग बढाउने कुरा धेरै अनुसन्धानले पत्ता लगाएका छन् ।
९. निद्रामा घुर्ने मान्छेलाई सास फेर्न समस्या हुनाले मुटुमा दबाब पर्छ र हार्ट अट्याकको सम्भावना बढाउँछ ।
१०. जंक फूड तथा चिल्लो खानेकुराले पनि रक्तप्रवाहमा बाधा पु(याएर मुटुमा समस्या ल्याउँछन् । एजेन्सीकाे सहयाेगमा
