काठमाडाैं । इजरायल र हमासबीच एक महिनाभन्दा बढी समयदेखि युद्ध जारी छ । युद्धमा परी ११ हजारभन्दा बढी मानिसको मृत्यु भइसकेको छ । युद्धबाट लाखाैं मानिस विस्थापित भइरहेका छन् । यस्ताेमा विश्वभरबाट युद्धविराम गर्न आह्वान गरिएकाे छ ।
तर, अमेरिका युद्धविरामकाे पक्षमा छैन । मिडिया रिपोर्टका अनुसार बाइडेनले गाजामा युद्धविरामको आह्वानलाई अस्वीकार गरेका छन्। उनले युद्धविरामबाट गाजा क्षेत्रमा शान्ति नआउने बताएका छन् ।
यसअघि बाइडेनका प्रमुख सल्लाहकारले हमासले सबै बन्धकहरूलाई रिहा गरे मात्र युद्धमा राहत दिन सकिने बताएका थिए।
शनिबार अमेरिकी सञ्चारमाध्यममा बाइडेनको लेख प्रकाशित भएको थियो, जसमा उनले हमासले आफ्नो विनाशको विचारधारा जारी राखेसम्म युद्धविरामबाट शान्ति हुन नसक्ने बताएका छन् ।
‘हमास आतंककारीहरूको लागि, युद्धविराम शान्तिको समय होइन। पजको समयमा, आतंकवादीहरूले रकेट, लडाकु विमान, हतियार र गोला बारुदको भण्डारहरू भर्नेछन्। भण्डार भरिने बित्तिकै आतंकवादीहरूले फेरि आक्रमण गर्न थाल्छन् र निर्दोषहरूलाई मार्न थाल्छन्’, बाइडेनले लेखेका छन्, ‘हाम्रो लक्ष्य युद्ध रोक्ने मात्र होइन। हामीले यो युद्ध सदाका लागि अन्त्य गर्नुपर्छ। हाम्रो प्रयास जरा हटाउने हो। मध्यपूर्वमा इतिहास दोहोरिन नदिन गाजामा केही बलियो हुनुपर्छ।’
बाइडेनले प्यालेस्टाइनमा जारी चरमपन्थी र कट्टरपन्थी हिंसा राेकिनुपर्ने बताएका छन् । हिंसालाई समर्थन गर्नेहरू जवाफदेही हुनुपर्ने उनकाे भनाइ छ । एजेन्सीबाट
