किवी एक यस्तो फल हो जसले धेरै चाँडो पचाउँछ र धेरै रोगबाट मुक्ति दिन्छ। किवीमा भिटामिन सी प्रचुर मात्रामा पाइन्छ । यो फल अलि महँगो पक्कै छ तर, यसको गुण हेर्दा यसको महँगोपन निकै कम देखिन्छ ।
जानौँ कुन–कुन रोगमा किवी खानु निकै फाइदाजनक हुन्छ ?
कब्जियतबाट छुटकारा
कब्जियतका बिरामीका लागि पनि किवीको सेवन रामवाण औषधी हो । कब्जियतको समस्या भएका व्यक्तिले किवी खानुपर्छ । साथै, पेट इन्फेक्सनको समस्या भएका व्यक्तिले पनि किवीको सेवनले यस समस्याबाट छुटकारा पाउँछन् ।
रक्तचाप सन्तुलन
किवीमा हुने औषधिय गुणले हाम्रो रक्तचाप सन्तुलनमा राख्न निकै महत्वपूर्ण भूमिका खेल्दछ ।
याे मुटु राेगीका लागि निकै फाइदाजनक छ । किवीले हाम्रो धमनीमा रहेको फोहोर रगत सफा गर्न भूमिका खेलेकाे तथ्य भेटिएकाे छ । किवीको सेवनले हृदयाघात जस्ता रोगहरु धेरै कम हुन्छ ।
हाडजोर्नीकाे समस्या
हाडजोर्नीमा समस्या भएका व्यक्तिले पनि किवी खानुपर्छ । किनकी यसले हाम्रो जोर्नी दुखाईबाट राहत मिल्छ र हाम्रो जोर्नी निको हुन थाल्छ । साथै, किवीको सेवनले हाम्रो आँखाको ज्योति पनि बढाउँछ ।
कोलेस्ट्रोल घटाउने
किवीले हाम्रो शरीरमा खराब कोलेस्ट्रोल कम गर्छ । त्यसैले हामी सबैले किवीको सेवन गर्नुपर्छ । किवी सानो फल हो तर यसको गुण धेरै ठूलो छ। एजेन्सीबाट
