ड्राई फ्रुट सबैलाई मनपर्छ । विश्वमा सबैभन्दा धेरैले मनपराउने ड्राई फ्रुटमा काजु पर्दछ। धेरैले मनपराउने काजू स्वादमा मात्रै नभइ प्रशस्त मात्रामा पोषक तत्वले भरिपूर्ण पनि हुन्छ। यसलाई मिठाईका परिकारमा मात्र प्रयोग गरिँदैन, खानाका विभिन्न परिकारमा समेत समावेश गरिन्छ ।
स्वादिलो हुनुका साथै काजू शरीरका लागि निकै फाइदाजनक छ। विशेषगरी काजूको प्रयोगले हाम्रो मुटुको स्वास्थ्यलाई राम्रो बनाउन मद्दत गर्छ। नियमित खाजु खाँदा शरीरको मेटाबोलिजमलाई स्वस्थ राख्छ। काजूमा मोनोअनस्याचुरेटेड र पोलीअनस्याचुरेटेड फ्याट हुन्छ, जुन स्वस्थ आहार बोसोको राम्रो स्रोत हो। काजुले कोलेस्ट्रोललाई कम गर्न मद्दत गर्छ ।
शरीरका लागि चाहिने पाेषक तत्व
काजूमा म्याग्नेसियम, कपर, म्यांगनीज, जिंक, पोटासियम, सेलेनियम जस्ता खनिजहरू पाइन्छ, जसले स्वास्थ्यलाई कायम राख्छ।
काजूमा कोलेस्ट्रोलको मात्रा निकै कम हुन्छ । यसमा पाइने एन्टिअक्सिडेन्ट यति शक्तिशाली हुन्छ कि यसले मुटु रोगबाट टाढा राख्छ ।
मुटु स्वस्थ राख्छ
काजूमा पाइने ओलिक एसिडले मुटु रोगको जोखिमलाई धेरै हदसम्म कम गर्न मद्दत गर्छ । काजूको अनस्याचुरेटेड फ्याटले एचडीएल कोलेस्ट्रोल अर्थात् राम्रो कोलेस्ट्रोलको स्तर बढाउँछ। एकै समयमा, यो ट्राइग्लिसराइड स्तर र रक्तचाप कम गर्न धेरै प्रभावकारी छ।
रक्तचाप नियन्त्रण गर्छ
काजूमा उच्च पोटासियम र कम सोडियमको मात्राका कारण रक्तचाप कम हुन्छ, जसले रक्तचाप नियन्त्रण गर्छ। यसले उच्च रक्तचाप, हृदयाघात र स्ट्रोकको जोखिम कम गर्न मद्दत गर्छ।
काजू खानुका बेफाइदाहरु
माइग्रेन र टाउको दुख्ने समस्या भएका व्यक्तिले काजू खानु हुँदैन । काजू धेरै खाँदा उच्च रक्तचाप हुन्छ ।
काजूमा पोटासियम र सोडियम धेरै मात्रामा पाइन्छ । त्यसैले धेरै खानेकुराले हृदयाघात र कमजोरी जस्ता समस्या निम्त्याउन सक्छ। यसमा फाइबर पनि प्रशस्त हुन्छ जसले ग्यासको समस्या निम्त्याउन सक्छ । एजेन्सीबाट
