काठमाडौं । नेपाली गायिका मेनुका पौडेल नेपालमात्र होइन अहिले भारतभर चर्चामा छिन् । रियालिटी शो ‘इन्डियन आइडल’को सहभागि उनी प्रस्तुतीको कारण भारतभर चर्चित छिन् । उनको प्रस्तुतिले लगातार जज र अडियन्सको ध्यान तानिरहेको छ ।
यसैबीच, आफ्नो नयाँ फिल्म एनिमलको प्रमोसनमा इन्डियन आइडल पुगेका बलिउड अभिनेता रणवीर कपुरले मेनुकाको पाउ छोका छन् । उनको गायकीबाट निकै प्रभावित बनेका कपुरले पाउ आर्शिवाद माग्दै पाउ छोएका हुन् ।
स्टेजमा पौडेलले ‘अगर तुम साथ हो’ गीत गाएकी थिइन् । उनको प्रस्तुतिपछि कपुरले पाउ समाउँदै आफ्नो परिचय दिएका थिए ।
“मेनुका जी मेरो नाम रणवीर हो, म तपाईसँग आशीर्वाद लिन चाहन्छु”, उनले भनेका छन्, “श्रेयाजीलाई देवी भन्छौँ, देवी नम्बर २ हाम्रो साथमा साक्षात् रूपमा उपस्थित हुनुहुन्छ ।”
मेनुकाले गाएको गीत ‘अगर तुम साथ हो’ रणवीर र दीपिका पादुकोण अभिनित फिल्म ‘तमासा’मा समावेश छ ।
यसअघि बलिउड फिल्म निर्देशक महेश भट्टले पनि उनको निकै प्रशंशा गरेका थिए ।
