काठमाडौं । मंसिर २९ गतेबाट प्रदर्शनको तयारीमा रहेको सिनेमा दुई कदमको तेस्रो गीत सार्वजनिक गरिएको छ । मंगलबार सार्वजनिक सिनेमाको ‘ए मेरा बाबैनी’ बोलको गीतमा अभिनेत्री वर्षा सिवाकोटी र डेब्यु अभिनेता इओन लिम्बुलाई फिचर्ड गरिएको छ ।
वर्षा सिनेमाको यही गीतमा मात्रै देखिने छिन् । लामो समय पश्चात परदेशी २ बाट सफलताको स्वाद चाखेकी अभिनेत्री सिवाकोटी अहिले धेरै निर्माता निर्देशकको नजरमा परेकी छिन् ।
सिनेमाको सार्वजनिक गीतमा उनको केमेष्ट्री डेब्यु अभिनेता लिम्बुसँग निकै जमेको देख्न सकिन्छ । अभिनेता लिम्बु पनि पहिलो सिनेमा वर्षासँग स्क्रिन सेयर गर्न पाउँदा मख्ख छन् ।
सिनेमाको सार्वजनिक गीतमा आशिष अविरलको संगीत तथा स्वर निरुषा भट्टराईको शब्द रचनासँगै स्वर भरेकी छन् । कविराज गहतराजे कोरियोग्राफी रहेको गीतलाई सौरभ लामाले खिचेका हुन् । गीतको अडिओ तथा भिडिओ उत्कृष्ट बनेको अभाष हुन्छ ।
उदय सुब्बा निर्देशित सिनेमामा वर्षा र इओनका अलवा सिमोन गिरि सुनिल थापा, कविता आले, सुरवीर पण्डित, प्रेम सुब्बा र गौरव पहारी, बुद्धि तामाङ, अर्जुन गुरुङ, विमला लिम्बु, जिवन लिम्बु, चन्दा दाहाल र प्रितिका शर्माको अभिनय रहेको छ ।
अजम्बरी फिल्मस्को ब्यानरमा निर्माण भएको सिनेमामा तारा देवी लिम्बुको लगानी रहेको छ ।
