काठमाडौं । साताको चौथो कारोबार दिन बुधबार पनि शेयर बजार घटेको छ । सोमबारदेखि नै घट्न थालेको बजार बुधबार पनि दोहोरो अंकले घटेको हो ।
बुधबार १७.९३ अंकले घट्दै बजार १८७६.६० को बिन्दुमा झरेको छ ।
यसअघिको दिनमा भन्दा कारोबार रकम पनि यस दिन घट्यो । ३३ लाख ५९ हजार ६०१ कित्ता शेयर किनबेच हुँदा कारोबार रकम एक अर्ब एक करोड ४१ लाख रुपैयाँ बराबरको भयो । जुन यो साताकै सबैभन्दा न्यून कारोबार हो ।
कारोबारका हिसाबले बुधबार सोनापुर मिनरल्स अग्रस्थानमा रह्यो । दुई लाख नौ हजार तीन सय ६१ कित्ता शेयर किनबेच हुँदा सोनापुरको कारोबार रकम छ करोड २८ लाख रुपैयाँ बराबरको रह्यो ।
बुधबार कारोबारमा आएका २३९ कम्पनीमध्ये ४२ कम्पनीको मात्रै मूल्य बढ्यो भने १९० कम्पनीको मूल्य घट्यो । यसदिन सात कम्पनीको मूल्य भने स्थिर रह्यो ।
दोहोरो अंकले घटेको बजारमा सबैभन्दा बढी उत्पादन र प्रशोधन उपसमूहका लगानीकर्तालाई घाटा भयो । जसको इन्डेक्स २.१३ प्रतिशतले घट्न पुग्यो ।
