काठमाडौं । कजाकिस्तानको सबैभन्दा ठूलो सहर अल्माटीमा बिहीबार बिहान एक छात्रवासमा आगलागी हुँदा कम्तीमा १३ जनाको मृत्यु भएको छ ।
‘आगो निभाउने क्रममा प्रारम्भमा १३ जनाको मृत्यु भएको थाहा भएको छ, उनीहरूको सनाखत हुन बाँकी छ,’ सहरको आपत्कालीन स्थिति विभागले विज्ञप्तिमा भनेको छ, ‘कार्बन मोनोअक्साइड विषाक्तताका कारण उनीहरूको मृत्यु भएको हो ।’
पूर्वराजधानीको बीचमा रहेको आदी सारिपोभ स्ट्रिटमा स्थानीय समयअनुसार साढे पाँच बजे आगो लागेको सूचना प्राप्त भएको थियो । अग्निशमनकर्मीहरू तीन तले आवासीय भवनमा लागेको आगो निभाउन सात मिनेटपछि पुगेका थिए ।
आगलागी हुँदा उक्त छात्रावासमा ७२ जना रहेको र ५९ जनालाई सुरक्षित रूपमा बाहिर निकालिएको विभागले बताएको छ ।
प्रतिक्रिया दिनुहोस्
