काठमाडौं । लगातार बढिरहेको सुनको भाउ शुक्रबार भने घटेको छ । बिहीबार तुलनामा तोलामा तीन सय रुपैयाँले भाउ सस्तिएको नेपाल सुनचाँदी व्यवसायी महासंघले जनाएको छ ।
गत सोमबारदेखि बढेको सुनको भाउले बुधबार बजारमा नयाँ रेकर्ड बनाएको थियो । नेपाली बजारमा बुधबार र बिहीबार सुनको भाउ एक लाख १९ हजार तीन सय रुपैयाँमा कारोबार भएको थियो । जुन हालसम्मकै उच्च मूल्य हो ।
बुधबार र बिहीबार एउटै दरमा रहेको सुनको भाउ शुक्रबार भने तीन सय रुपैयाँले सस्तिएको हो ।
सुनको भाउ बढेको बजारमा चाँदीको भाउले पनि नयाँ रेकर्ड कायम गरेको छ । शुक्रबारसम्म आउँदा चाँदी प्रतितोला एक हजार पाँच सय ४० रुपैयाँ पुगेको छ ।
महासंघका अनुसार बिहीबारको तुलनामा मात्रै शुक्रबार चाँदीको भाउ २० रुपैयाँले बढेको छ ।
प्रतिक्रिया दिनुहोस्
