काठमाडौं । अल हिलालसँग पराजित हुँदा क्रिस्टियानो रोनाल्डोको अल नासर उपाधि होडबाट पछि परेको छ ।
शुक्रबार राति भएको खेलमा ३–० को जीत हासिल गर्दै अल हिलालले साउदी प्रो लिगमा ७ अङ्कको अग्रता बनाएको हो ।
रोचक बनेको खेलको पहिलो हाफ गोलरहित बराबरीमा सकिएको थियो । दोस्रो हाफको ६४ औँ मिनेटमा सर्गेज मिलिन्कोभिच साभिचले गोल गर्दै अल हिलाललाई अग्रता दिलाए ।
खेलको अन्त्यमा अलेक्सान्डर मिट्रोभिचले दुई गोल गर्दै टोलीलाई शानदार जीत दिलाए । अपराजित अल हिलालको १५ खेलबाट ४१ अङ्क छ भने समान खेलबाट अल नासरको ३४ अङ्क छ ।
प्रतिक्रिया दिनुहोस्
