काठमाडौं । इजरायल र हमासबीचको युद्धविराम समाप्त भएपछि एक प्यालेस्टिनी समर्थकले शुक्रबार राति अमेरिकामा आत्मदाह गर्ने प्रयास गरेका छन् ।
यो घटना एटलान्टा शहरमा इजरायली वाणिज्य दूतावासअगाडि भएको हो । न्यूयोर्क टाइम्सको रिपोर्टअनुसार एक सुरक्षा गार्डले उनलाई बचाउने प्रयास गरेका थिए । तर, उनी असफल भए ।
आन्दोलनकारीको शरीरको ९० प्रतिशत भाग जलेको छ । उनलाई तत्काल अस्पताल लगिएको थियो । अधिकारीहरूले उनको परिचय भने सार्वजनिक गरेका छैनन् ।
प्रहरीका अनुसार उनले आफूलाई आगो लगाउँदा प्यालेस्टिनी झण्डा आफ्नो वरिपरि बेरेका थिए । वास्तवमा युद्धविराम सकिएपछि विश्वभर प्यालेस्टाइनको समर्थनमा प्रदर्शन सुरु भएको छ ।
उही समयमा युद्धविराम समाप्त भएको २४ घण्टाभित्र गाजामा १७० जनाभन्दा बढीको मृत्यु भएको छ । यसमा महिला र बालबालिका पनि छन् । अस्पतालमा भुइँमा शवहरू लडिरहेका छन् ।
गाजाको अल-अहली अस्पतालको अवस्था डर लाग्दो चलचित्र जस्तै भएको राष्ट्रसंघले जनाएको छ । डब्ल्यूएचओका अनुसार गाजाका ३२ अस्पतालमध्ये १६ मात्रै कार्यरत छन् । एजेन्सी
