काठमाडौं । सोमालियामा भारी वर्षाका कारण आएको बाढीले झण्डै सय जनाको मृत्यु भएको छ ।
बाढीबाट करिब सात लाख ५० हजार मानिस घरबारविहीन भएको मानवीय मामिलाको समन्वयका लागि संयुक्त राष्ट्रसंघको कार्यालयले शुक्रबार जनाएको छ ।
‘देश विपत्तिमा छ, विनाशकारी वर्षा र बाढी फैलिरहेको छ,’ एजेन्सीले उल्लेख गरेको छ । मुसलधारे वर्षाले नदीमा पानीको बहाव बछेपछि दक्षिण पश्चिम, गाल्मुडुग, पुन्टल्याण्ड, हर्साबेले र जुबाल्याण्ड, साथै बानादिर क्षेत्रका अधिकांश मानिसहरूप प्रत्यक्ष प्रभावित भएका छन् ।
संयुक्त राष्ट्रसंघ मानवीय एजेन्सीले जनाएअनुसार लाखौँ सोमालीहरूले भोक र कुपोषणसँग लडिरहेक बेला प्राकृतिक विपत्तिले स्थिति झन् दर्दनाक बनाएको छ ।
प्रतिक्रिया दिनुहोस्
