काठमाडौं । भारतीय वायुसेनाको एउटा प्रशिक्षण विमान सोमबार बिहान तेलंगानामा दुर्घटनाग्रस्त भएको छ । घटनामा दुई पाइलटको मृत्यु भएको छ । मेडकको बाहिरी भागमा पर्ने परिधि रावेलीमा विमान दुर्घटना भएको हो ।
भारतीय वायुसेनाका अनुसार विमानमा दुई जना पाइलट थिए । जसमा एक प्रशिक्षक थिए । विमानमा नयाँ क्याडेटलाई विमान उडाउन सिकाउँदै थिए ।
विमान सोमबार बिहान डिन्डिगुलस्थित वायुसेना एकेडेमीबाट उडेको थियो भने बिहान ८ः५५ मा दुर्घटनाग्रस्त भएको थियो । स्थानीयका अनुसार विमान केही मिनेटमै जलेर खरानी भएको थियो ।
पछिल्लो ८ महिनामा वायुसेनाको यो तेस्रो विमान दुर्घटना हो । यसअघि जुनमा ट्रेनी विमान किरण दुर्घटना भएको थियो । मे महिनामा मिग–२१ विमान दुर्घटना हुँदा तीन जना पाइलटको मृत्यु भएको थियो । एजेन्सी
प्रतिक्रिया दिनुहोस्
