काठमाडौं । नेकपा एकीकृत समाजवादीले पहिलो महाधिवेशनमा आगामी जेठ ३ देखि ७ गतेसम्म गर्ने तय गरेको छ ।
पार्टी प्रवक्ता जगन्नाथ खतिवडाका अनुसार काठमाडौंमा बसेको पार्टीको सचिवालय बैठकले महाधिवेशन काठमाडौंमा गर्ने निर्णय गरेको छ ।
महाधिवेशनअघि माघ १४ र १५ गते राष्ट्रिय सम्मेलन गर्ने बैठकले निर्णय गरेको छ । यो सम्मेलनको व्यवस्थापनका लागि गंगालाल तुलाधारको संयोजकत्वमा समिति गठन भएको छ ।
बैठकले विधान संसोधनका लागि संगठन विभाग प्रमुख डा. वेदुराम भुसालको नेतृत्वमा कार्यदल गठन गरेको छ ।
एमालेबाट विभाजन भएपछि एकीकृत समाजवादीले पहिलोपटक महाधिवेशन गर्ने मिति तय गरेको हो । यसअघि तोकिएको मिति सर्दै आएको थियो ।
प्रतिक्रिया दिनुहोस्
