काठमाडौं । नेपाल राष्ट्र बैंकका गभर्नर महाप्रसाद अधिकारीको आम्दानी २४ प्रतिशतले बढेको छ ।
राष्ट्र बैंकले सार्वजनिक गरेको वार्षिक प्रतिवेदअनुसार गभर्नर अधिकारीले वर्षभरि ६० लाख ९१ हजार ३३५ रुपैयाँ तलब र भत्ता बुझेका छन् । गत वर्ष उनले ४९ लाख पाँच हजार २५५ रुपैयाँ बुझेका थिए ।
गत वर्ष १४ लाख १८ हजार चार सय रुपैयाँ तलब लिएका उनले यो वर्ष १६ लाख ३२ हजार रुपैयाँ लिएका छन् ।
यस्तै, गत वर्ष उनले सञ्चालक समिति भत्तामा तीन लाख पाँच हजार रुपैयाँ बुझेका थिए । यो वर्ष चार लाख १४ हजार बुझेका छन् ।
गत वर्ष ३१ लाख ८१ हजार ८५५ रुपैयाँ विशेष भत्ता लिएका अधिकारीले यो वर्ष ४० लाख ९१ हजार ३३५ रुपैयाँ लिएका छन् ।
प्रतिक्रिया दिनुहोस्
