काठमाडौं । नेपाली राष्ट्रिय क्रिकेट टोलीका ओपनर कुशल भुर्तेल अष्ट्रेलियामा छन् । उनी अष्ट्रेलियाको फ्रान्कस्टोन पेनिन्सुला क्रिकेट क्लबबाट खेल खेल्न गएका हुन् । उनी केही दिनअघि मात्रै अष्ट्रेलिया पुगेका हुन् ।
अष्ट्रेलिया पुगेर कुशलले क्लबसँगको प्रशिक्षण सुरु गरिसकेका छन् । उनलाई क्लबका साथीहरूले भव्य स्वागत गरेको भिडिओ सार्वजनिक भएको छ ।
कुशल अष्ट्रेलियामा अनुभव बटुल्न गएका हुन् । यस क्रममा उनी दुई महिनासम्म अष्ट्रेलियामा खेल्ने छन् ।
फ्रान्कस्टोन अष्ट्रेलियाको भिक्टोरिया राज्यको शीर्ष क्लब एक हो । क्लबले भिक्टोरियाको शीर्ष प्रतियोगिता खेलिरहेको जनाइएको छ । यस क्रममा कुशलले पनि अष्ट्रेलियामा खेल्न पुगेका हुन् । क्लबमा हुँदा कुशलले एक दिवसीय र टी–२० खेलमा सहभागी हुने छन् ।
प्रतिक्रिया दिनुहोस्
