काठमाडौं । अमेरिकाको टेक्सास राज्यमा एक व्यक्तिलाई आफ्ना आमा बुवा र अन्य चार व्यक्तिको हत्या आरोपमा पक्राउ गरिएको छ ।
३४ वर्षीय शेन जेम्स जुनियर नामका ती व्यक्तिले सोमबार राति १० बजेतिर क्यालिबर ह्याण्डगनले आफ्ना आमाबुबालाई गोली हानेको आशंका गरिएको छ । जेम्सलाई मानसिक स्वास्थ्य समस्या रहेको र घरेलु हिंसाको घटनापछि सेनाबाट हटाइएको जनाकारीमा आएको छ ।
मंगलबार सान एन्टोनियोबाट करिब ८० माइल (१२९ किलोमिटर) टाढा अष्टिनका विभिन्न स्थानमा अन्य चार जना व्यक्तिको हत्यामा पनि उनको संलग्नता रहेको प्रहरीले जनाएको छ ।
अष्टिन प्रहरी प्रमुख रोबिन हेण्डरसनले बुधबार पत्रकारलाई बताएअनुसार पक्राउ गर्ने क्रममा अभियुक्तले प्रहरीमाथि पनि गोली चलाएका थिए ।
प्रतिक्रिया दिनुहोस्
