काठमाडौं । नेपाली राष्ट्रिय क्रिकेट टोलीका ओपनर कुशल भुर्तेलले अष्ट्रेलियामा अभ्यास सुरु गरेका छन् । उनी अष्ट्रेलियाको फ्रान्कस्टोन पेनिन्सुला क्रिकेट क्लबमा आबद्ध भएका हुन् ।
उनी केही दिनअघि मात्रै अष्ट्रेलिया पुगेका थिए । उनलाई क्लबका साथीहरूले भव्य स्वागत गरेका थिए ।
‘मलाई यो अद्भूत अवसर प्रदान गर्नु भएकोमा फ्रान्कस्टोन क्रिकेट क्लबलाई धेरै धेरै धन्यवाद, तपाईंको स्वीकृतिको कदर गर्दछु, र मेरो उत्कृष्ट दिनको लागि तत्पर छु,’ उनले भनेका छन् ।
किक्रेटर भुर्तेलले आफूलाई सहयोग गर्नेहरू सबैलाई धन्यवाद दिएका छन् । ‘क्लबसँग समन्वय गरेकोमा सुजन खनाल दाइ, सञ्जय भण्डारी दाइ र विशेषज्ञ शिक्षासहित भिसा सेवा मेलबर्नलाई अद्भूत सहयोगको लागि धन्यवाद,’ उनले थपे ।
फ्रान्कस्टोन अष्ट्रेलियाको भिक्टोरिया राज्यको शीर्ष क्लब हो । क्लबले भिक्टोरियाको शीर्ष प्रतियोगिता खेलिरहेको जनाइएको छ ।
