काठमाडौं । प्रधानमन्त्री पुष्पकमल दाहाल ‘प्रचण्ड’ धनगढी पुगेका छन् । धनगढीमा हुने सुदूरपश्चिम महोत्सवको उद्घाटनलगायतका कार्यक्रममा सहभागी हुन उनी आज बिहान धनगढी पुगेका हुन् ।
प्रधामन्त्री दाहालले धनगढी विमानस्थलमा हमासको नियन्त्रणमा रहेका कञ्चनपुरका विपीन जोशीका बुवासँग भेट गर्ने भएका छन् । भेटमा प्रधानमन्त्री दाहालले विपीनको रिहाइका लागि सरकारले प्रयास गरिरहेको बताए ।
नेकपा माओवादी केन्द्रका अध्यक्षसमेत रहेका दाहाल कैलालीको धनगढी उपमहानगर–१६ घसेटीमा हुने पार्टी प्रशिक्षण तथा भेटघाट कार्यक्रममा सहभागी हुने भएका छन् ।
उनी दिउँसो १ बजे कैलाली उद्योग वाणिज्य सङ्घको आयोजनामा हुने सुदूरपश्चिम महोत्सवको उद्घाटन गरी काठमाडौं फर्किने कार्यक्रम छ ।
प्रतिक्रिया दिनुहोस्
