काठमाडौं । संयुक्त अरब इमिरेट्स (यूएई)मा जारी एसीसी यू–१९ एसिया कप क्रिकेट प्रतियोगितामा पाकिस्तानसँग नेपाल पराजित भएको छ । नेपाल ७ विकेटले पराजित भएको हो ।
शुक्रबार भएको आफ्नो पहिलो खेलमा नेपालले पाकिस्तानलाई १५३ रनको लक्ष्य दिएको थियो । टस हारेर पहिले ब्याटिङको निम्तो पाएको नेपालले ४७.२ ओभरमा अलआउट हुँदै १५२ रन बनाएको हो ।
जवाफी ब्याटिङमा उत्रिएको पाकिस्तानले २६.२ ओभर खेल्दै लक्ष्य पूरा गरेको हो । पाकिस्तानका लागि अजान अस्विनले ५६ र सस्दा बेगले ५० रन बनाए ।
नेपालका लागि उत्तम रंगु थापा मगरले सर्वाधिक ५१ रन बनाए भने दिपेश कँडेलले ३१ रन बनाए । नेपालका माथिल्लो क्रमका ब्याट्सम्यान चल्न सकेनन् ।
पाकिस्तानी टोलीका बलर मोहम्मद जिसन नेपालको ६ विकेट लिँदा नेपाली ब्याटिङ लाइन कमजोर बन्न पुगेको थियो ।
प्रतिक्रिया दिनुहोस्
